Гімназія №9 г.Мінска Эсэ «У адзінстве сіла»

---

Што патрэбна чалавеку для шчасця? Зусім няшмат: мірнае неба над галавой, каханне, сяброўства, здароўе, сям'я, родныя і блізкія, дабрабыт і дастатак у хаце.

Сёння мы жывем у цудоўнай краіне: светлай, чыстай, прыгожай. Людзі ў нас - з адкрытымі добрымі сэрцамі. Немагчыма не захапляцца нашай святой зямлёй, якая падарыла нам жыццё, узгадавала, дала неабходныя і важныя веды, якія мы ўвасабляем у карысныя і значныя справы.

Для таго, каб захаваць усе гэта: нашу краіну, нашу культуру, нашы традыцыі, кожны з нас павінен адчуць сябе важнай і неад'емнай часткай цэлага народа і зрабіць усё, што ад нас залежыць, каб родны край станавіўся лепшым.

У нашай краіне на працягу стагоддзяў побач жывуць прадстаўнікі розных нацыянальнасцяў, рэлігій і культур. Гэтая разнастайнасць стала візітнай карткай Беларусі, яе ўнікальнай спадчынай і бясцэнным дарам продкаў, якую таксама неабходна ў што б там ні стала захаваць дзеля міру і згоды ў грамадстве, дабрабыту і росквіту будучых пакаленняў.

Адзінства ўсяго жывога на зямлі - гэта фундаментальны закон развіцця Сусвету. Менавіта ён прымушаў першабытнага чалавека аб'ядноўвацца ў зграі, каб супрацьстаяць некіравальнай прыроднай стыхіі. Закон адзінства не дае чалавеку здзяйсняць нядобрыя ўчынкі, прадухіляе зло і войны, дорыць шчасце і мір.

Такім чынам, сіла наша ў адзінстве, толькі разам людзі здольны пераадолець любыя перашкоды, толькі разам можна дабіцца немагчымага. Калі мы адзіныя, нам пад сілу любыя выпрабаванні.

Нацыянальнае адзінства і згода - гэта стан душы, гэта любоў да сваёй краіны і да свайго народа.